АҚШ Европага ядро қуролини таший оладиган бомбардимончи самолётларини жойлаштирди

Маълумот берилишича, Англиядаги Фэрфорд авиабазасига тўртта бомбардимончи самолёт етиб келган.

Фото: Shutterstock

АҚШнинг ядро қуролини таший оладиган B-52H Stratofortress стратегик самолётлари Буюк Британиянинг Фэрфорд авиабазасига етиб келди, деб хабар берди “Интерфакс”.

Ғарб авиацион ресурсларининг маълумотларига кўра, Англияга тўртта бомбардимончи самолёт жойлаштирилган.

"B-52H Stratofortress самолётлари, ёрдамчи жиҳозлар ва Майнот авиабазасининг 5-бомбардимончи қаноти шахсий таркиби Англиядаги Фэрфорд базасига етиб келди", - дейилади АҚШнинг Европадаги қўмондонлиги хабарида.

Аввалроқ Фэрфорд авиабазасига АҚШ ҳарбий-ҳаво кучларининг C-5 Galaxy ҳарбий-транспорт самолёти техника ва ҳарбийларни олиб келганди.