Россия ҳарбий-денгиз флотининг олтита десант кемаси Севастополдаги ҳарбий-денгиз базасига кирди

Кемалар Севастополда текширувдан ўтказилади ҳамда ёнилғи, сув ва озиқ-овқат захираларини тўлдиради.

Фото: Россия мудофаа вазирлиги

Россия Шимолий ва Болтиқ флотларининг олтита катта десант кемаси Севастополдаги ҳарбий-денгиз базасига кирди, деб хабар берди “Известия”.

«Россия ҳарбий-денгиз флоти таркибидаги "Королева", "Минск", "Калининград", "Пётр Моргунов", "Георгий Победоносец" ва "Оленегорский горняк" катта десант кемалари Европа атрофидаги ҳаракатини якунлади», — дейилади Қора денгиз флоти матбуот хизмати хабарида.

Кемалар Севастополда текширувдан ўтказилади ҳамда ёнилғи, сув ва озиқ-овқат захираларини тўлдиради.

Қўшимча қилинишича, кемалар отряди яқин вақт ичида жанговар тайёргарлик режаси бўйича вазифаларни бажаришга киришади.

Маълумот берилишича, Россия қуролли кучлари тайёргарлик режасига кўра, февралда флотлар масъул бўлган барча ҳудудларда ҳарбий-денгиз машғулотлари ўтказилади.