Зеленский хориж элчихоналарининг эвакуация қилинишини катта хато деб атади

Қатор Ғарб давлатлари Киевдаги элчихоналарини Львовга кўчиришга қарор қилган.

Фото: AFP

Владимир Зеленский айрим хориж элчихоналарининг Киевдан ғарбий Украинага кўчиш тўғрисидаги қарорини катта хато деб атади.

"Айрим элчихоналарнинг, бу уларнинг қарори, ғарбий Украинага кўчиб ўтиши катта хато, чунки ғарбий Украина йўқ, Украина бор, у яхлит. Шунинг учун, Худо сақласин, нимадир бўлса, ҳамма ерда бўлади", - деди Зеленский.

Аввалроқ АҚШ Украинадаги элчихонасини вақтинча Киевдан Львовга кўчиришини маълум қилганди.

Шунингдек, Канада, Австралия ва Нидерландия ҳам ўз элчихоналарини Киевдан Львовга кўчиришини эълон қилган. Германия Украина шарқидаги Днепр шаҳрида жойлашган бош консулхонасини Львовга кўчирган.