Мамлакатда навбатдан ташқари президент сайлови шу йилнинг 12 март куни бўлиб ўтади.
Оғажон Бекмуродов / Фото: Видеодан кадр
Туркманистон аграр партияси Марий вилояти раҳбари ўринбосари Оғажон Бекмуродовни бўлажак президент сайловига номзод этиб кўрсатди. Бу ҳақда «Sputnik Ближнее Зарубежье» Telegram-канали хабар берди.
Бекмуродов 2017 йилдан буён ҳозирги лавозимида ишлаб келмоқда.
Шу тарзда амалдаги президент Гурбангули Бердимуҳамедовнинг ўғли Сердар Бердимуҳамедовга рақобатчи пайдо бўлди.
14 феврал куни Сердар Бердимуҳамедов бўлажак сайловларда Туркманистон демократик партиясидан мамлакат президентлигига номзод этиб кўрсатилганди.
Сердар 2021 йил февралдан буён бош вазир ўринбосари лавозимида ишлаб келмоқда.
