Самарқанддаги чиқинди контейнерига бетон қоришма тўкиб кетишди

Самарқанд шаҳри кўчаларидан бирига ўрнатилган чиқинди контейнерига номаълум кимсалар бетон қоришмасини тўкиб кетган

Фото: Видеодан кадр

Самарқанд шаҳрида чиқинди олиб чиқишга масъул бўлган Мароқанд Обод давлат унитар корхонасининг хабар беришича, шаҳарнинг Почта кўчасида жойлашган чиқинди контейнерига номаълум шахслар бетон қоришмасини тўкиб кетишган.

«Чиқинди контейнерлари фақат маиший чиқиндилар учун! Самарқанд шаҳар Почта кўчасида жойлашган контейнер ичига қурилиш қоришмаси (суюқ бетон) ташланган. Шу бетон қоришмасидан Мароқанд Ободга зарар етказмасдан, мақсадли фойдаланса бўларди. Масалан, пиёдалар йўлагини текислаш учун», дейилади хабарда.