Ўзбекистонда январ ойида қанча чақалоқ туғилгани маълум қилинди

Соғлиқни сақлаш вазирлиги матбуот котибининг хабар беришича, 2022 йилнинг январь ойида юртимизда 69 198 нафар чақалоқ туғилган.

Январ ойида туғилганлар:

— ўғил болалар сони – 35 401 нафар;

— қиз болалар сони – 33 797 нафарни ташкил этган.

Ҳудудлар орасида энг кўп туғилиш Самарқанд вилоятида қайд этилган – 8 516 нафар.

Маълумот учун, 2022 йилнинг илк суткасида Ўзбекистонда 2 316 нафар чақалоқ дунёга келган. 2018 йилнинг худди шу куни 1 961 нафар, 2019 йилда — 1 708 нафар, 2020 йилда 1 974 нафар, 2021 йилда эса 1 644 нафар чақалоқ туғилган.