Украина Грузия ва Қирғизистондаги элчиларини чақиртириб олди

Зеленскийнинг сўзларига кўра, Украина дипломатлари ўз сўзлари ва халқаро ҳуқуқ хиёнат қилган мамлакатларга нисбатан одилона ечимни амалга оширади.

Фото: Reuters

Украина Грузия ва Қирғизистондаги элчиларини консультация учун чақиртириб олди. Бу ҳақда Украина президенти Владимир Зеленский маълум қилди.

Унинг сўзларига кўра, Украина дипломатлари ўз сўзлари ва халқаро ҳуқуқ хиёнат қилган мамлакатларга нисбатан одилона ечимни амалга оширади.

"Қирғизистондаги элчини зудлик билан консультация учун чақиртирамиз. Украинага қарши тажовуз оқлангани учун. Бизга ёрдам бермоқчи бўлган кўнгиллиларга тўсиқ қўйгани, санкциялар борасида оқилона позицияда бўлмагани учун Грузиядан элчимизни чақиртириб оламиз", - деди Зеленский.

Аввалроқ Грузия бош вазири Ираклий Гарибашвили унинг мамлакати Россияга қарши молиявий ва иқтисодий санкцияларга қўшилмаслигини билдирганди.

Гарибашвилининг сўзларига кўра, бу Грузиянинг миллий манфаатларига зиён етказади.

#Украина #Грузия #Қирғизистон