Қашқадарёда банк филиали ходимлари фуқаро билан тил бириктириб 1,1 миллиард сўмни талон-торож қилгани аниқланди

Қарши туманида банк филиали ходимлари фуқаро билан ўзаро тил бириктириб кредит маблағларини ўзлаштиришган.

Фото: Kun.uz

Бош прокуратура ҳузуридаги департаментнинг хабар беришича, департаментнинг Қарши туман бўлими томонидан “Микрокредитбанк” АТБ Қашқадарё вилояти филиалининг мурожаатига асосан терговга қадар текширув ўтказилган.

Текширувда, фуқаро Б.С. филиалнинг амалиёт бўлими масъул шахслари билан тил бириктириб, фуқаро Н.Э. номига “U.C.” МЧЖни ташкил этиб, унга 1,9 миллиард сўм кредит ажратилишига эришиб, шундан 1,1 млрд сўмини турли субъектларга маҳсулотлар сотиб олиш учун ўтказиш йўли билан талон-торож қилгани аниқланган.

Қайд этилишича, мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.