Намангандаги хонадонда ёнғин юз берди

Наманган вилояти ФВБ ахборот хизматининг хабар беришича, 3 март куни соат 15-40 да Наманган шаҳар “Оби ҳаёт” маҳалла фуқаролар йиғини ҳудудидаги хонадонлардан бирида ёнғин содир бўлган.

Ёнғин натижасида яшаш уйининг шифт ва том қисмидан 45 кв.м жой, уй-рўзғор буюмлари ҳамда уй эгасига тегишли ҳужжатлар ёниб зарарланган. Содир бўлган ёнғинда куйиш, тан жароҳати олиш ва ҳалок бўлиш ҳолатлари кузатилмаган.

Ёнғин қутқарувчилари томонидан хонадоннинг 60 кв.метр жойи сақлаб қолинган. Содир бўлган ёнғин соат 15:45 да тўлиқ бартараф этилган.

Ҳозирда ёнғин юзасидан терговга қадар суриштирув ишлари олиб борилмоқда.