Тошкентда автобус икки пиёдани уриб юборди

Пиёдалардан бири вафот этган. 5 ёшли пиёда шифохонага олиб кетилган. Ҳолат юзасидан жиноят иши қўзғатилди.

ИИВ ЙҲХББ ахборот хизматининг хабар беришича, 8 март куни соат 11:30 да Чилонзор тумани, Чилонзор кўчаси “MIRANDA” дўкони қаршисида, ҳайдовчи – 1996 й.т. С.М. “МАN” русумли автобусни бошқариб кетаётиб, тартибга солинган пиёдалар ўтиш жойида пиёдаларни уриб юборган.

Оқибатда: пиёда – 1952 йилда туғилган Р.З. олган тан жароҳатлари сабабли шифохонада вафот этган. Шунингдек, пиёда – 2017 йилда туғилган Р.Е. “бош соҳаси лат ейиши” ташхиси билан шифохонага ётқизилган.

Ушбу ҳолат юзасидан Тошкент шаҳар ИИББ Тергов бошқармаси томонидан Ўзбекистон Республикаси Жиноят қодексининг 266-моддаси 2-қисми аломатлари билан жиноят иши қўзғатилган.