Huawei 108 мегапикселли камерага эга янги смартфонини намойиш этди

Тезкор хотираси 8 ва доимий хотираси 128 Гб бўлган Nova 9 SE смартфони нархи 340 долларга тенг.

Huawei компанияси Nova 9 SE смартфони тақдимотини ўтказди.

Янги гаджет Qualcomm Snapdragon 680 процессори билан жиҳозланган. Смартфон экрани 6,78 дюйм бўлиб, кадр частотаси 90 Гц.

Асосий камера 108 мегапикселга тенг. Камерада шунингдек, 8 Мп (кенг бурчакли объектив билан), 2 Мп (макро суратлар учун) ва 2 Мп (манзарани таҳлил қилиш учун) датчиклар мавжуд.

Nova 9 SE аккумулятори сиғими 4000 мА·с. Смартфон HarmonyOS 2.0.1 операцион тизимида ишлайди.

Хитойда тезкор хотираси 8 ва доимий хотираси 128 Гб бўлган Nova 9 SE 340 доллар деб баҳоланмоқда. Тезкор хотираси 8 ва доимий хотираси 256 Гбли версияси эса салгина қиммат — 370 доллар.