Путин «нодўст давлатлар»га газ рублда сотилиши бўйича фармонни имзолади

Фото: Kay Nietfeld/picture alliance via Getty Images

Россия «нодўст давлатлар»га 1 апрелдан табиий газни фақат рублда сотади. Владимир Путин бу ҳақдаги фармонни имзолади.

Янги тартиб 1 апрелдан кучга киради ва амалдаги шартномалар тўхтатилади. Унда айтилишича, Россиядан газ сотиб олишни истаган Ғарб давлатлари Россия банкларида ҳисобрақами очиши керак. Янги жорий қилинган механизм суюлтирилган газ бўйича шартномаларга таъсир қилмайди.

Фармонга кўра, Россиядан газ сотиб олишни истаган «нодўст давлат»лар «Газпромбанк»да иккита ҳисобрақам очиши керак: рублда ҳамда хорижий валютада. Давлатлар газ учун пулни валютадаги ҳисоб рақамига ташлайди, банк уни биржада рублга алмаштириб, тўловни амалга оширали. Рублда тўлов бўлгачгина шартнома кучга кирган ҳисобланади.