Huawei MatePad 11 тавсифи: кенг имкониятларга эга планшет

Янги Huawei MatePad 11 бу – 120 Hz янгиланиш частотасига эга дисплейи билан жиҳозланган биринчи Huawei планшети бўлиб, ажойиб силлиқ тасвирлар ва ҳар қачонгидан ҳам тезроқ респонсивлик имконини беради.

Планшет HarmonyOS 2’да ишлайди ва Huawei MatePad 11’га янги функцияларни тақдим этади. Янги планшетнинг ишчи столи ҳар қачонгидан ҳам тартибли бўлиб, фойдаланувчиларга муҳим маълумотларни янада самаралироқ кўришнинг янги усулини таклиф этади.

Минималист дизайн

Huawei MatePad 11 ўзида соддалик, қулайлик ва кўп қирралиликни мужассам этган эстетик дизайнга эга. Планшетда томонлар нисбати 16:10 бўлган 10,95 дюймли ултра юпқа FullView дисплей мавжуд. Кенг дисплей, 86% экран-корпусга нисбати ва 7 мм юпқа ромлар планшетдан фойдаланганда мувозанатли кўриниш ва таъсирчан фойдаланиш амалиётини яратади. Планшет ингичка ҳошияли ромга эга бўлиб, қурилма ингичка кўринишини таъминлайди ва қурилманинг қўлга яхшироқ ўрнашиши имконини беради.

Юқори янгиланиш тезлиги

Huawei MatePad 11 бозордаги кўплаб планшетлар орасида ўзининг юқори янгиланиш тезлиги билан ажралиб туради, бу эса фойдаланувчиларга кўпроқ тафсилотларни кўриш ва ҳис қилиш имконини бериб, фойдаланишда яққол устунликни намойиш этади. DCI-P315 рангли гамути эса видеоларни янада тўйинган ва жонли қилади.

Энг муҳими, фойдаланишга осон ва қулай

App Multiplier бир иловада иккита вазифа устида ишлаш имконини берувчи ойнани блокировка қилишнинг янги функциясини тақдим этади, Multi-Window8 билан эса битта экранда 4 тагача иловани очиш мумкин — ҳамкасблар билан суҳбатлашинг, электрон почта хабарларини текширинг ва ишлаётганингизда муҳим қайдлар олинг. Бундан ташқари, планшет сенсорли экран ёки сичқонча ёрдамида барча иловаларни катта самарадорлик билан кўриш ва улардан фойдаланиш имконини беради.

Ноёб стерео тизими

HUAWEI MatePad 11’нинг тўрт канал, тўрт карнайли овоз тизими бутун товушлар оламини кафтингизда мужассам этади. Harman Kardon томонидан созланган, кучли, бассга бой ва тиниқ баланд товушлар ҳар қандай товушни улар жаранглаши эшитилиши керак бўлган тарзда акс эттиради.

Ўта тиниқ товушли ички микрофон тизими

4 та ички микрофон овозингизни аниқ қабул қилади. Тизим сунъий интеллектли шовқинни камайтириш технологияси билан жиҳозланган бўлиб, клавиатурада матн теришдан ҳосил бўлган ва атрофдаги суҳбатлар шовқинини автоматик равишда филтрлайди ва яхши мулоқот қилишингизни кафолатлайди.

Планшетнинг 12 соатлик батарея қуввати иш кунини бехавотир ўтказишга ёрдам беради.

Олдиндан буюртма кейинги ҳафталарда мамлакатдаги барча йирик дўконларда мавжуд бўлади.

HUAWEI Consumer Business Group ҳақида:

HUAWEI маҳсулотлари ва хизматлари 170 дан ортиқ мамлакатларда мавжуд ва улардан дунё аҳолисининг учдан бир қисми фойдаланади. Компания АҚШ, Германия, Швеция, Россия, Ҳиндистон ва Хитой каби мамлакатларда 14 та тадқиқот ва ишланма марказларини очган. HUAWEI Consumer BG смартфонлар, ноутбуклар ва планшетлар, тақиладиган қурилмалар, кенг полосали мобил қурилмалар, уй ечимлари ва булутли хизматларни ишлаб чиқадиган ва ишлаб чиқарадиган учта HUAWEI бизнес бўлинмаларидан биридир. HUAWEI глобал тармоғининг афзалликлари, бутун дунё бўйлаб операциялар ҳажми ва ривожланган ҳамкорлар тармоғи телекоммуникация соҳасидаги 30 йиллик тажриба асосида қурилган.

Реклама ҳуқуқи асосида