Хитойда коронавирус юқтириш билан боғлиқ суткалик максимум кўрсаткич янгиланди

Касалланганларнинг аксарияти – 23 минг 185 кишида ҳеч қандай симптомлар кўзга ташланмаган, 1350 кишида йўтал ва ҳолсизлик қайд этилган.

Фото: Reuters

Хитойда ўтган суткада коронавирус юқтириш билан боғлиқ 25 минг 165та ҳолат қайд этилди. Бу бир кун аввалгидан 4 фоизга юқори бўлиб, янги максимум кўрсаткич ҳисобланади.

Бир ҳафта ичида симптомсиз беморлар сони 2,7 бараварга ошиб, 174 минг кишига етган.

Энг кўп касаллик юқтириш ҳолатлари Шанҳайда ва Цзилин провинциясида аниқланган. Жами беморларнинг 94 фоизга яқини мана шу икки ҳудудга тўғри келади.

Пандемия бошланганидан буён Хитойда 1,5 млн киши коронавирус юқтирган, 13,2 мингдан ортиқ бемор вафот этган.

Тайёрлаган Дилшод Аскаров

#Хитой #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.