Қўшимча функционаллар
-
Тунги кўриниш
Ереванда намойишчилар ва полиция ўртасида тўқнашув юз берди
Парламент вице-спикери Ишхан Сагателян 25 апрелдан бутун Арманистонда тўхтовсиз норозилик намойишлари бошланишини эълон қилганди.
Фото: РИА Новости
Арманистон пойтахти Ереванда бош вазир Никол Пашиняннинг истеъфосини талаб қилиб чиққан намойишчилар ва полиция ўртасида тўқнашув содир бўлди.
Тўқнашувга парламент депутати Гегам Манукяннинг устунга Пашиняннинг карикатураси акс этган фотосуратни ёпиштиришга уриниши сабаб бўлди. Полиция унга халақит қилишга уринган, аммо депутат мақсадини амалга оширган.
Душанба куни Никол Пашиняннинг истеъфосини талаб қилаётган мухолифат тарафдорлари пойтахтдаги асосий транспорт тугунларидан бирида ҳаракатни тўхтатиб қўйганди.
Аввалроқ парламентнинг "Армения" мухолиф фракциясидан бўлган вице-спикери Ишхан Сагателян 25 апрелдан бутун Арманистонда тўхтовсиз норозилик намойишлари бошланишини эълон қилганди.
Мухолифат ҳукуматнинг сиёсати "Арманистон давлатчилиги йўқотилишига олиб келади" деб ҳисобламоқда.
Яна бир мухолиф фракция етакчиси, миллий хавфсизлик хизмати собиқ раҳбари Артур Ванецян ижтимоий тармоқлардаги мурожаатида 25 апрелдан "курашнинг иккинчи босқичи" бошланишини айтган. Ванецян 17 апрелдан буён Еревандаги Озодлик майдонида норозилик намойишлари ўтказмоқда.
Мавзуга оид
20:16 / 27.09.2024
Арманистон Боку билан тинчликка эришиш учун Конституциясини ўзгартиришга тайёр
20:33 / 18.09.2024
Арманистонда давлат тўнтаришига уринишнинг олди олинди
00:10 / 10.09.2024
Арманистон Европа Иттифоқи билан визасиз режим бўйича музокараларни бошлади
21:15 / 03.09.2024