Арманистон мухолифати Ереван марказий кўчаларини тўса бошлади

Мухолифат фаолларидан иборат гуруҳлар Арманистон бош вазири Никол Пашиняннинг истеъфосини талаб қилиб Еревандаги марказий кўчаларни тўса бошлади.

"Бизда ҳукумат билан музокаралар ўтказиш учун битта мавзу бор – ҳукуматнинг тезда истеъфога чиқиши", - деди парламент вице-спикери Ишхан Сагателян.

Арманистон миллий хавфсизлик хизмати собиқ раҳбари Артур Ванецян бошчилигидаги мухолифат фаолларидан ташкил топган яна бир гуруҳ мамлакат ташқи ишлар вазирлиги биноси олдида тўпланди.

Мухолифат Ереван марказидаги Франция майдонида катта митинг ўтказишни режалаштирмоқда.

Парламент вице-спикери Ишхан Сагателян 25 апрелдан бутун Арманистонда тўхтовсиз норозилик намойишлари бошланишини эълон қилганди.