Қўшимча функционаллар
-
Тунги кўриниш
Президент сайёҳлар учун хавфсиз мамлакатга айланиш кераклигини айтди
Фото: Президент ахборот хизмати
Ўзбекистон хорижлик сайёҳлар учун хавфсиз мамлакатга айланиши керак. Бу ҳақда Шавкат Мирзиёев Тошкент шаҳрида ташкил этилган ситуацион марказдаги учрашувда айтди.
«Менимча» телелойиҳасининг навбатдаги сонида президент ситуацион марказда масъулларга сайёҳлик ривожланиши учун тизимнинг мукаммал ишлаши зарурлигини тушунтирган видео кўрсатилди.
Президент тизим туризмни ривожлантириш учун ҳам муҳимлигини айтар экан Азиз Абдуҳакимовдан 2019 йил қанча сайёҳ келганини сўради. «6,7 миллион хорижлик сайёҳ келди, 13 миллион ички туристлар қайд этилган», деди Абдуҳакимов.
«Ички ишлар ходимлари билан мана шу ишни қилиб берсангиз, мамлакатга инвестиция олиб келишга ёрдам берган бўласиз. Инвестиция эса халқимизга мадад бўлади. Қачон бизга 10 миллион турист келади? Қачонки жамоат тартиби сақланса, ётоқхонада ўғрилик бўлмаса, атроф тинч бўлса, кўчада юрганда ҳеч ким қўрқитмаса келади», деди президент.
Кўрсатув давомида ситуацион марказда туристлар билан ишлаш учун алоҳида тизим қилингани ҳикоя қилинган. Меҳмонхоналар атрофи ва туристик объектлар камералари доимий назорат қилиниши кўрсатилди.
Шавкат Мирзиёевнинг айтишича, ситуацион марказ адолатни таъминлашга хизмат қилиши керак: «Адолат мезони жорий қилинганини халқимиз сеза бошласа, ҳеч қандай ташвиқот керак бўлмайди», деди президент.
Мавзуга оид
20:50 / 17.09.2024
Россиялик блогер Ўзбекистон поездидаги саёҳатни «ҳақиқий синов» деб таърифлади
17:32 / 30.08.2024
Таниқли актёр Ўзбекистоннинг Япониядаги туризм элчиси этиб тайинланди
19:57 / 28.08.2024
Тошкент дунёда такси нархи арзон бўлган шаҳарлар қаторига киритилди
17:50 / 15.08.2024