Марказий банк асосий ставкани 16 фоиз этиб белгилади

Ўзбекистон Республикаси Марказий банки Бошқарувининг оралиқ йиғилиши ўтказилмоқда.

Фото: Марказий банк

Регуляторнинг матбуот хизмати хабар беришича, унда асосий ставкани 1 фоиз бандга пасайтириб, йиллик 16 фоиз даражасида белгилаш тўғрисида қарор қабул қилинди.

Жорий йилнинг апрел ойи охирларида Марказий банк асосий ставкани йиллик 17 фоиз даражасида ўзгаришсиз қолдириш тўғрисида қарор қабул қилганди.

Ўзбекистон тарихида қайта молиялаш ставкасининг энг юқори кўрсаткичи 1995 йилда кузатилган бўлиб, ўша пайтда асосий ставка 300 фоизга етганди. Шундан сўнг 2017 йилгача асосий ставка пасайиб борган ва 27 июнда 9 фоизни ташкил этган.