Гейтс NFT ва криптовалюталарни «аҳмоқларга мўлжалланган» ёлғон деб атади

Билл Гейтснинг сўзларига кўра, криптовалюталар ва токенлар на узун, на қисқа активлар тоифасига киради.

Фото: Hollie Adams/Bloomberg

Америкалик миллиардер, Microsoft компанияси ҳаммуассиси Билл Гейтс рақамли активлар — криптовалюталар ва ўзаро алмаштирилмайдиган токенларни (NFT) нархи ортиқча баҳоланган ёлғон деб атади.

Гейтснинг фикрича, NFT ва криптовалюталарнинг оммавийлиги «юз фоиз катта аҳмоқ назариясига» асосланган.

Ушбу назарияга кўра, нархи ортиқча баҳоланган активларнинг қиймати ўсишда давом этади, чунки уларни келгусида қимматроққа сотиш имконияти мавжуд – бу активларни қимматроққа сотишни мўлжаллаган бошқа харидор - «катта аҳмоқ» ҳар доим топилади.

Гейтснинг сўзларига кўра, криптовалюталар ва токенлар на узун, на қисқа активлар тоифасига киради.

Билл Гейтс ўтган йили ҳам криптовалюталарни танқид қилган, биткойнлар инвесторлар учун хатарли, криптовалюта майнинги атроф-муҳит учун зарарли эканини айтганди.

#Билл Гейтс #криптовалюта