Самарқандда тиббиёт ходимлари ўртасида оммавий жанжал юз берди

Тиббиёт ходимлари ўртасидаги оммавий жанжал Паст Дарғом тумани тиббиёт бирлашмасига қарашли туғуруқ бўлими биносида содир бўлган.

Ижтимоий тармоқларда Самарқанд вилояти Паст Дарғом тумани тиббиёт бирлашмасига қарашли туғуруқхона бўлими ходимлари ўртасида содир бўлган оммавий жанжал тасвирланган видео тарқалди. Вилоят ИИБ ахборот хизмати ҳодиса юзасидан маълумот берди.

Маълум қилинишича, ҳодиса 2022 йил 4 июн куни содир бўлган. Паст Дарғом туман тиббиёт бирлашмасининг туғуруқхона бўлими ходимлари ўзаро келишмовчилик оқибатида бир-бирларини ҳақорат қилиб, уришган.

Қайд этилишича, ҳолат юзасидан туман ИИБ томонидан терговга қадар текширув ҳаракатлари олиб борилмоқда.

«Ҳодисанинг барча айбдорларига нисбатан қонунда белгиланган тартибда қатъий чоралар кўрилиши таъминланади», дейилади вилоят ИИБ ахборот хизматининг маълумотида.