Япония Хитойни Шарқий Хитой денгизидаги ресурсларни якка тартибда ўзлаштиришда айблади

Япония ҳукумати Хитойга Шарқий Хитой денгизидаги табиий ресурсларни якка тартибда ўзлаштиргани сабабли норозилик билдирди. 

"Хитой иқтисодий манфаатлар ҳудуди чегарасининг ғарбий томонидан жойлашган ҳудудда якка тартибда фаолият олиб бораётгани жуда ачинарли", - дейилади Япония ташқи ишлар вазирлиги баёнотида.

Қайд этилишича, Хитой ҳудуд сувларида ҳамкорлик қилиш тўғрисида 2008 йилда имзоланган келишувга қарамасдан, якка ҳолда фаолият олиб бормоқда.

"Асахи" нашрининг ёзишича, Шарқий Хитой денгизида Япония ва Хитой ўртасида расман белгиланган чегара йўқ. Хитой Токио чегара деб ҳисоблайдиган чизиқ ғарбидаги газ конларида ўндан ортиқ бурғулаш платформаларини ўрнатган.

Хитой ва Япония ўртасидаги келишмовчиликлар Шарқий Хитой денгизида газ конлари очилганидан сўнг бошланган.