Россия газдан қурол сифатида фойдаланмоқда – Оқ уй

Жон Кирбининг сўзларига кўра, Оқ уйдагилар газ етказиб бериш техник муаммолар сабабли узилиб қолганига ишонмайди.

Фото: Getty Images

Европага газ етказиб беришнинг қисқариши Россия президенти Владимир Путиннинг энергиядан қурол сифатида фойдаланишга тайёрлигининг яна бир намойиши, деди АҚШ миллий хавфсизлик кенгаши вакили Жон Кирби.

Кирбининг қўшимча қилишича, Оқ уйдагилар газ етказиб бериш техник муаммолар сабабли узилиб қолганига ишонмайди.

«Бу жаноб Путиннинг энергиядан қурол сифатида фойдаланишга тайёрлигининг яна бир ифодаси, деб ўйлаймиз. Биз ушбу вазият бўйича Россиянинг ҳеч бир баёнотига ишонмаймиз», — деди у.

Еврокомиссиянинг билдиришича, ЕИнинг 12 мамлакатига Россиядан газ етказилиши ҳажми қисқарган.

Тайёрлаган: Дилшод Аскаров

#Россия #АҚШ #газ