НАТО Россия билан зиддиятга тайёргарлик кўришни 2014 йилда бошлаган - Столтенберг 

НАТО Россия билан қарама-қаршиликка тайёргарлик кўришни 2014 йилда бошлаган, деди алянс бош котиби Йенс Столтенберг.

«НАТО бунга аллақачон тайёрланганди, Россия хавфли эканлигини 24 февралда билганимиз йўқ. Ҳақиқат шундаки, биз бунга 2014 йилдан буён тайёргарлик кўргандик. Шунинг учун алянс шарқида ҳарбийларимиз сонини оширдик ва НАТО мудофаага кўпроқ пул сарфлай бошлади»,— деди у алянс саммитида.  

НАТО саммити 28 июндан 30 июнгача Мадридда бўлиб ўтмоқда. 

Аввалроқ НАТО мамлакатлари раҳбарлари Швеция ва Финландияни алянсга аъзо бўлишга таклиф қилиш тўғрисида расмий қарор қабул қилганди.