Қўшимча функционаллар
-
Тунги кўриниш
Шавкат Мирзиёев Имомали Раҳмон билан телефонда мулоқот қилди
Президент Шавкат Мирзиёев 4 июл куни Тожикистон президенти Имомали Раҳмон билан телефон орқали мулоқот қилди.
Фото: Президент матбуот хизмати
Давлат раҳбарлари ўтган ой Тошкентда ўтган олий даражадаги учрашув якунида эришилган келишувлар ижросининг боришини кўриб чиқди.
“Суҳбат аввалида Тожикистон президенти давлатимиз раҳбарининг Қорақалпоғистон Республикасида барқарорлик ва изчил тараққиётни таъминлаш бўйича саъй-ҳаракатларини қўллаб-қувватлади.
Дўстлик, яхши қўшничилик, стратегик шериклик ва иттифоқчилик муносабатларини мустаҳкамлаш масалаларига алоҳида эътибор қаратилди”, – дейилади Ўзбекистон президенти матбуот хизмати хабарида.
Президентлар Тошкент ва Душанбе шаҳарлари ўртасида йўловчи поездлари қатнови йўлга қўйилгани, Зарафшон дарёсида Яван ГЭСи қурилиши лойиҳаси бўйича амалий ишлар бошланганини мамнуният билан қайд этди.
Марказий Осиё давлатлари раҳбарларининг навбатдаги Маслаҳат учрашуви юзасидан фикр алмашилди.
Эслатиб ўтамиз, Шавкат Мирзиёев бугун Қозоғистон, Қирғизистон ва Европа Кенгаши президентлари билан ҳам Қорақалпоғистон мавзусида телефон орқали мулоқот қилди.
Қорақалпоғистондаги намойишлар
Мавзуга оид
18:41 / 02.04.2026
Тожикистон президенти озиқ-овқат нархлари «мисли кўрилмаган даражада» ошишидан огоҳлантирди
20:14 / 27.03.2026
Ўзбекистон ва Тожикистон президентлари Бухорода тўқимачилик корхонасига ташриф буюрди
15:27 / 27.03.2026
Шавкат Мирзиёев ва Имомали Раҳмон Бухородаги тарихий мажмуаларни зиёрат қилди
14:10 / 27.03.2026