Қўшимча функционаллар
-
Тунги кўриниш
Венгрия ташқи ишлар вазири мамлакатдаги газдан фақат Венгрия фойдаланишини айтди
Аввалроқ Европа халқ партияси раиси Манфред Вебер Россиядан олинадиган газни Евроиттифоқ аъзолари ўртасида тенг тақсимлашни таклиф қилганди.
Фото: DPA
Венгрия фуқароларининг пулларига сотиб олинган газдан фақат Венгрия фойдаланади, деди мамлакат ташқи ишлар вазири Петер Сийярто.
Сийярто Европарламентдаги Европа халқ партияси раиси Манфред Вебернинг газни Евроиттифоқ аъзолари ўртасида тенг тақсимлаш тўғрисидаги таклифини коммунизмга қиёслади.
«Венгрия газ омборлари Венгриянинг мулки бўлиб қолади. Венгриялик солиқ тўловчиларнинг пулларига сотиб олинган ва мамлакат газ омборларида сақланаётган газдан фақат Венгрияда фойдаланилади. Вебернинг таклифи бизга коммунизмни эслатяпти»,— деди у.
Аввалроқ Вебер ЕИнинг навбатдаги саммитида Россиядан газ етказилишини муҳокама қилиш ва газни Евроиттифоқ аъзолари ўртасида тенг тақсимлашни таклиф қилганди.
6 июл куни Петер Сийярто Венгрия яқин бир неча йил давомида Россия нефти ва газидан воз кеча олмаслигини айтди.
Мавзуга оид
16:16 / 08.11.2024
Тахтиқорача довонида тош босиб қолганларнинг икки нафари венгриялик бўлган
10:20 / 30.10.2024
Зангиотада газдан ноқонуний фойдаланган шахслар ушланди
15:54 / 29.10.2024
Тошкент туманидаги қарийб 43 минг хонадонда номаълум муддатга газ ўчирилади
16:23 / 28.10.2024