Ўзбекистонга Туркиядан 3,3 минг тонна товуқ гўшти олиб келинди

Туркиядан импорт қилинган айрим турдаги озиқ-овқат маҳсулотлари ҳажми айтилди. Давлат статистика қўмитаси тегишли маълумот билан чиқди.

Фото: ТАСС

Қўмита хабарига кўра, Ўзбекистон 2022 йилнинг январь-май ойларида Туркиядан импорт қилинган айрим турдаги озиқ-овқат маҳсулотлари ҳажмида товуқ гўшти етакчи позицияни эгаллаб турибди – 3,3 минг тонна.

Ушбу кўрсаткич қолган товарлар кесимида қуйидагича кўринишга эга:

мандарин – 3 минг тонна;
маккажўхори – 2 минг тонна;
какао ва шоколад – 961 тонна;
олма – 874 тонна;
қандолат маҳсулотлари – 521 тонна;
маргарин маҳсулотлари – 484 тонна;
сут маҳсулотлари – 319 тонна;
банан – 197 тонна;
болалар учун озиқ-овқат маҳсулотлари – 16 тонна.

Бундан олдин Ўзбекистонга озиқ-овқат маҳсулотлари асосан Қозоғистон ва Россиядан олиб келинаётгани хабар қилинганди.

Ўзбекистонга 2022 йилнинг январь-май ойларида импорт қилинган озиқ-овқат маҳсулотлари ҳажмида юқори улушга эга бўлган давлатлар орасида Қозоғистон етакчилик қилмоқда – 37,9 фоиз.