Украина Шимолий Корея билан дипломатик алоқаларни узди

Аввалроқ Шимолий Кореянинг Москвадаги элчихонаси “ДХР” ва “ЛХР” мустақиллигини тан олганини маълум қилганди.

Фото: РИА Новости

Украина ташқи ишлар вазирлиги ўзини-ўзи мустақил деб эълон қилган Донецк ва Луганск халқ республикаларини тан олгани учун КХДР билан дипломатик муносабатлар узилганини маълум қилди.

Аввалроқ Шимолий Кореянинг Москвадаги элчихонаси “ДХР” ва “ЛХР” мустақиллигини тан олганини билдирганди.

"Украина бундай нодўстона ҳаракатга жавобан Корея Халқ Демократик Республикаси билан дипломатик муносабатлар узилганини маълум қилади. Бу мамлакатга нисбатан халқаро санкциялар жорий этилгани сабабли КХДР билан сиёсий ва иқтисодий алоқалар амалга оширилмайди", - дейилади Украина ташқи ишлар вазирлиги баёнотида.

Қайд этилишича, Киев КХДРнинг қарорини қоралайди ҳамда бу қарор "юридик оқибатларга эга эмаслигини ва Украинанинг халқаро тан олинган чегараларини ўзгартирмаслигини" таъкидлайди.

Тайёрлаган: Дилшод Аскаров

#Украина #КХДР