Қирғизистоннинг AeroStan авиакомпанияси самолёти илк бор Наманганга қўнди

14 июль куни Қирғизистоннинг AeroStan авиакомпаниясига тегишли Boeing 747-200F (Jumbo Jet) юк самолёти илк бор Наманган халқаро аэропортига қўнди.

Фото: Uzbekistan Airports

Uzbekistan Airports хабарига кўра, Бишкекдан етиб келган самолёт маҳаллий вақт билан соат 11:19 да ёнилғи қуйиш мақсадида Наманган халқаро аэропортига қўнди.

Қайд этилишича, соат 14:44 да самолёт Намангандан Макаога (Хитой) учиб кетди.

AeroStan 2008 йилда ташкил этилган ва Бишкекда (Қирғизистон) рўйхатдан ўтган ҳаво юкларини ташувчи оператор ҳисобланади.