Шавкат Мирзиёев Эрон президентига ҳамдардлик билдирди

Ўзбекистон президенти Шавкат Мирзиёев Эрон президенти Иброҳим Раисийга ҳамдардлик билдирди. Бу ҳақда давлат раҳбари матбуот котиби Шерзод Асадов хабар қилмоқда.

Фото: CNN

Қайд этилишича, Шавкат Мирзиёев Эроннинг қатор ҳудудларида юз берган кучли сув тошқинлари оқибатида кўплаб инсонлар қурбон бўлгани ва катта талафотлар етказилгани муносабати билан Иброҳим Раисийга ҳамдардлик билдирган.

Давлат раҳбари вафот этганларнинг оила аъзолари ва яқинларига таскин-тасалли сўзларини етказишни сўраб, жароҳатланганлар тез фурсатда соғайиб кетишини тилаган.