Қўшимча функционаллар
-
Тунги кўриниш
Кемалар Ҳўрмуз бўғози орқали ўтиш учун қанча ҳақ тўлаши кераклиги маълум бўлди
Бўғоздан ўтишнинг ўртача нархи 1,5-2 миллион доллар оралиғида бўлади.
Кемалар Ҳўрмуз бўғози орқали ўтиш учун Эронга 2 миллион долларгача ҳақ тўлайди. Бу ҳақда CNN Эрон парламентининг бюджет ва режалаштириш комиссияси аъзоси Муҳсин Зангинга таяниб хабар берди.
Хабарда айтилишича, бўғоздан ўтишнинг ўртача нархи 1,5 миллиондан 2 миллион долларгача бўлади.
«Ушбу дастур доирасида олинган даромадлар давлат ғазнасига тушади», — деди эронлик сиёсатчи.
Зангиннинг таъкидлашича, бунинг учун махсус идора — Форс кўрфази бўғози бошқармаси ташкил этилган.
Май ойи бошидан буён 300 та хорижий кема хавфсиз ўтиш учун ариза топширган.
Ҳўрмуз бўғози жаҳон иқтисодиёти учун стратегик аҳамиятга эга бўлиб, дунё нефти, суюлтирилган газ ва ўғитлар экспортининг муҳим қисми айнан шу йўлак орқали амалга оширилади.
