Абитуриент нималарга шахсан жавобгар ҳисобланиши айтилди

Абитуриентлар қатор нарсаларга шахсан жавобгар ҳисобланади. Бу ҳақда “Ҳуқуқий ахборот” канали ёзмоқда.

Фото: Kun.uz

Қайд этилишича, улар қуйидагилар:

жавоблар варақасини ҳаво ранг пастали шарикли ручка билан тўлдириш;
жавоблар варақасини букмаслик, маркер чизиғига ёзмаслик, жавоблар варақаси рақами остида жойлашган доирачаларни бўямаслик;
жавоблар варақаси билим даражасини белгиловчи асосий ҳужжат бўлганлиги учун уни тўғри тўлдириш;
белгиланган вақт тугагунига қадар тест топшириқлари китобида мавжуд тест топшириқларини бажарган ҳолда жавоблар варақаси мос тартиб рақамидаги тегишли доирачаларини бўяб, тест топшириқлари китобини ва унга мос бўлган жавоблар варақасини гуруҳ назоратчисига топшириш.

#жавобгарлик #абитуриент