6 ойда 150 мингдан ортиқ янги енгил автомобиллар давлат рўйхатидан ўтказилди

2022 йилнинг 6 ойи давомида қанча янги енгил автомобиллар давлат рўйхатидан ўтказилгани маълум қилинди.

Фото: Reuters

2022 йил январь-июнь ойларида Ўзбекистон бўйича давлат рўйхатидан ўтказилган янги енгил автотранспорт воситалари 156 563 донани ташкил этди.

Давлат статистика қўмитаси дастлабки маълумотларига кўра, рўйхатдан ўтказилган янги машиналардан 95,3 фоизи (149 229 дона) Ўзбекистонда, 4,7 фоизи эса (7 334 дона) бошқа чет эл мамлакатларида ишлаб чиқарилган.

Республика бўйича давлат рўйхатидан ўтказилган янги автотранспорт воситалари энг катта улуши Тошкент шаҳри (жамига нисбатан 26,8 фоиз ёки 41 928 дона) ҳиссасига тўғри келади.