«Ҳудудгазтаъминот» газ тақчиллиги ҳақидаги хабарларни рад этди

Ижтимоий тармоқларда Тошкент шаҳрида газ тўлдириш шохобчаларида тирбандликлар юзага келгани ҳақида хабар тарқалди.

Фото: Kun.uz

Ушбу хабар юзасидан «Ҳудудгаз Пойтахт» газ таъминоти филиали матбуот хизмати маълум қилишича, 23 август куни Тошкент шаҳрида куз-қиш мавсумига тайёргарлик кўриш бўйича таъмирлаш ишлари олиб борилган.

«Юнусобод туманидаги 6 та газ тўлдириш шохобчасида газ таъминоти вақтинчалик тўхтатилган», дейилади «Ҳудудгаз Пойтахт» газ таъминоти филиали матбуот хизмати хабарида.

Таъмирлаш ишлари тугатилгунга қадар истеъмолчилардан бошқа газ тўлдириш шохобчаларидан фойдаланиш илтимос қилинган.