Германиядаги савдо марказларида энергияни тежаш учун эскалаторлар ўчириб қўйилмоқда

Хабар қилинишича, Saturn ҳамда Galeria Karstadt Kaufhof тармоғига қарашли савдо марказлари эскалаторлар ишлашини тўхтатиб қўйишни бошлаган.

"Биз мижозларга ноқулайлик туғдирмаган ҳолда ҳамма ерда электр энергиясини тежамоқдамиз", - деди Galeria Karstadt Kaufhof тармоғи вакили.

ECE савдо гиганти ҳам эрталаб ва кечки вақтда эскалаторларни ўчириб қўймоқда.

IKEA дўконлар тармоғи вакили эскалаторларни ўчириш ва "энергияни тежашнинг бошқа йўллари"ни топиш имконияти ўрганилаётганини айтди.

Россиядан газ етказилиши тўхташи эҳтимоли сабабли Германияда қишда  энергетика инқирози юз бериши тахмин қилинмоқда.