Аргентинада номаълум вирусдан бир киши вафот этди ва тўрт киши шифохонага ётқизилди

Барча беморларда икки томонлама зотилжам кузатилмоқда. Текширувларда уларнинг коронавирус, А ва B гриппи, хантавирус ва бошқа инфекциялар билан зарарланмаганлиги маълум бўлди.

Аргентинанинг Тукуман провинциясида номаълум вирусдан бир киши вафот этди ва тўрт киши шифохонага ётқизилди. Бу ҳақда регион соғлиқни сақлаш вазирлиги хабар берди.

Хабарга кўра, шифохонага ётқизилганларнинг аҳволи оғир деб баҳоланмоқда. Барча беморларда икки томонлама зотилжам кузатилмоқда.

Текширувларда уларнинг коронавирус, А ва B гриппи, хантавирус ва бошқа инфекциялар билан зарарланмаганлиги маълум бўлди.

«Улардаги касаллик сабаби аниқланмади ва ўрганилмоқда», — деди соғлиқни сақлаш вазири Луис Медина Руис.

Ҳозирда вируснинг келиб чиқиши аниқланмоқда ва сув ҳавзалари ҳамда ҳаво ҳолати текширилмоқда. Беморлардан олинган таҳлил натижалари бир неча кундан сўнг маълум бўлиши айтилмоқда.