Тикланиш жамғармасидан Сурхондарё ҳокимлигига ажратилган пулни қайтариш муддати 1 йилга узайтирилади

Президентнинг “Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида”ги фармонига ўзгартиришлар киритилади.

Тегишли ҳужжат лойиҳасига кўра, Сурхондарё вилояти инвестициявий жозибадорлигини ошириш, ташқи савдони ривожлантириш ҳамда маҳаллий маҳсулотларни ташқи бозорларга олиб чиқиш учун қулай шарт-шароитлар яратиш мақсад қилинган.

Президентнинг “Сурхондарё вилояти ва Тошкент шаҳрида махсус иқтисодий ва кичик саноат зоналари фаолиятини янада ривожлантириш чора-тадбирлари тўғрисида”ги фармонига қуйидагиларни назарда тутувчи ўзгартиришлар киритилади:

• Тикланиш ва тараққиёт жамғармаси томонидан Сурхондарё вилояти ҳокимлигига 3 йил муддатга, шу жумладан 1 йиллик имтиёзли даврни ҳисобга олган ҳолда ажратилган маблағларни қайтариш муддатини 1 йилга узайтириш;
• кредитни қайтариш прогноз жадвалини қайта тасдиқлаш.

Тикланиш ва тараққиёт жамғармаси Сурхондарё вилояти ҳокимлиги билан биргаликда фармондан келиб чиққан ҳолда кредит шартномаси шартлари қайта кўриб чиқилишини таъминлайди.