Нэнси Пелоси Арманистонга борди

Пелоси Арманистон бош вазири Никол Пашинян ва миллий мажлис спикери Ален Симонян билан учрашади.

Фото: Twitter / usembarmenia

АҚШ конгресси вакиллар палатаси спикери Нэнси Пелоси Арманистонга келди, деб хабар берди «Арменпресс».

Қайд этилишича, унинг ташрифи 19 сентябргача давом этади.

Делегация таркибидан вакиллар палатасининг энергетика ва савдо бўйича қўмитаси раиси Фрэнк Палоне ҳамда вакиллар палатаси аъзолари Анна Эшу ва Жеки Спейер ўрин олган.

Пелоси ташрифи давомида Арманистон бош вазири Никол Пашинян ва миллий мажлис спикери Ален Симонян билан учрашади.

Учрашувларда Арманистон-АҚШ муносабатлари ва хавфсизлик соҳасидаги ҳозирги вазият муҳокама қилиниши кутилмоқда.