Mobil-ID тизимидан қандай мақсадда фойдаланилиши тушунтирилди

“Давлат хизматлари янгиликлари” канали Mobil-ID тизимидан қандай мақсадларда фойдаланиш мумкин экани тўғрисида маълумот тақдим этди.

Қайд этилишича, улар қуйидагилар:

• OneID тизими орқали давлат органлари ва ташкилотлари портал ва ахборот тизимларига киришда фойдаланувчилар шахсини тасдиқлаш (аутентификация қилиш); 
• Mobil-ID тизимидан фойдаланаётган фойдаланувчи ҳақиқийлигини тасдиқлаш (верификация қилиш);
• электрон давлат хизматларидан фойдаланиш бўйича фойдаланувчилар томонидан берилган аризаларни тасдиқлаш;
• фойдаланувчи ўз шахсига доир маълумотларни давлат органлари ва ташкилотлари «Электрон ҳукумат» тизими орқали олганда бу ҳақида хабарномалар қабул қилиш;
• фойдаланувчи ўз шахсига доир маълумотларини давлат органлари ва ташкилотлари, хўжалик бирлашмалари, нодавлат ташкилотлар «Электрон ҳукумат» тизими орқали олиши учун рухсат бериш;
• қонунчиликда назарда тутилган бошқа ҳолатларда.