Хитойда чиплар ишлаб чиқаришдаги коррупция иши бўйича текширув бошланганидан сўнг 12 нафар амалдор ғойиб бўлди
Хитой коммунистик партиясининг коррупцияга қарши бўлими бир нечта юқори мартабали амалдорларни ҳибсга олган.
Хитойда яримўтказгичлар соҳасига давлат инвестицияларини киритиш фондидаги коррупция фактлари бўйича суриштирув бошланганидан сўнг камида 12 нафар амалдор омма кўз ўнгидан йўқолди, деб ёзади Financial Times газетаси.
Газетанинг хабар беришича, Хитой коммунистик партиясининг коррупцияга қарши бўлими бир нечта юқори мартабали амалдорларни ҳибсга олган.
«Охирги уч ой ичида камида 12 киши, жумладан, фонд бошқарувчилари, компаниялар раҳбарлари ва бир нафар вазир терговга тортилган ва жамоатчилик кўз ўнгидан ғойиб бўлди. Уларнинг барчаси микросхемалар саноатига алоқадор бўлган», — дейилади хабарда.
Қайд этилишича, соҳани ривожлантириш учун ажратилган инвестициялар бўйича коррупция ҳолатлари изланмоқда. Инвестициялар миқдори 340 млрд юан (47 млрд доллар) деб баҳоланган.
Газета манбасининг сўзларига кўра, «соҳада ҳеч нарсани тушунмайдиган» давлат хизматчилари коррупцион схемаларни йўлга қўйган.
Мавзуга оид
12:30 / 05.10.2024
ЕК: Хитой электромобилларига божларни ошириш йўли очилди
01:00 / 05.10.2024
Хитойда 1000 марта ўтириб-туришга мажбурланган ўқувчи бутун умрга ногирон бўлиб қолиши мумкин
21:03 / 04.10.2024
Евроиттифоқ электромобиллар бўйича Хитой билан савдо урушини бошлади
22:02 / 01.10.2024