18:18 / 01.10.2022
59121

Маск одамсимон роботни намойиш этди

Роботнинг оғирлиги 73 килони ташкил этади. Унинг нархи 20 минг долларга тенг.

Фото: Tesla

Tesla ва SpaceX асосчиси Илон Маск Optimus роботини намойиш этди. Маскнинг сўзларига кўра, робот февралда ишлаб чиқарилган.

Маск тақдимот чоғида роботнинг гулларга сув қуяётгани, қутиларни ташиётгани, Калифорниядаги заводда металл симларни кўтараётгани акс этган видеони кўрсатди. Маскнинг сўзларига кўра, Tesla бундан ҳам мукаммалроқ роботни ишлаб чиқаришни мўлжалламоқда.

Кейинги авлод роботида Tesla бутловчи қисмлари, жумладан, 2,3 кВт/с батарея, микросхемалар тизимидан фойдаланилади. Роботнинг оғирлиги 73 килони ташкил этади. Унинг нархи 20 минг долларга тенг.

Маск Tesla уч-беш йилдан сўнг Optimus учун буюртмалар олишни бошлашига умид билдирди. Унинг айтишича, ҳозирда мавжуд одамсимон роботларга «мия» ва муаммоларни мустақил ҳал қилиш қобилияти етишмайди. Optimus эса «жуда қобилиятли робот» бўлади.

Аризона штати робототехника университети профессори Анри Бен Амор 20 минг доллар жуда яхши таклиф эканлигини айтди, унга муқобил моделлар нархи ҳозирда 100 минг доллар атрофида.

Top