Қозоғистондан импорт қилинган айрим турдаги озиқ-овқат маҳсулотлари тўғрисида маълумот берилди.
Ўзбекистонга 2022 йилнинг январь-август ойларида Қозоғистондан импорт қилинган айрим турдаги озиқ-овқат маҳсулотлари ҳажми маълум қилинди.
Давлат статистика қўмитаси маълумотларига кўра, кўрсатилган даврда 1,7 млн тонна буғдой харид қилинган.
Бундан ташқари, 250 минг тонна буғдой уни ва 60 минг тонна арпа ҳам сотиб олинди.
Ушбу кўрсаткич қолган маҳсулотлар кесимида қуйидагича кўриниш олди:
- ўсимлик ёғи – 54,1 минг тонна;
- маккажўхори – 33,7 минг тонна;
- маргарин маҳсулотлари – 32,1 минг тонна;
- картошка – 25,4 минг тонна;
- қорамол гўшти – 11,6 минг тонна;
- сут маҳсулотлари – 3,4 минг тонна;
- қандолат маҳсулотлари – 1,7 минг тонна.
