Фарғона вилояти мева ва сабзавотлар экспортида етакчи бўлиб турибди 

2022 йилнинг январь-август ойларида хорижга мева ва сабзавотлар экспорт қилган ҳудудлар орасида Фарғона вилояти 197,1 минг тонна маҳсулот билан етакчилик қиляпти.

Давлат статистика қўмитаси дастлабки маълумотларига кўра, кейинги ўринлардан мос равишда 154 минг тонна ва 127 минг тонна маҳсулот экспорт қилган Тошкент вилояти ҳамда Самарқанд вилояти жой олди.

Ушбу кўрсаткич қолган ҳудудлар кесимида қуйидагича кўринишга эга:

• Хоразм вилояти – 103 минг тонна; 
• Сурхондарё вилояти – 99 минг тонна;
• Андижон вилояти – 78,6 минг тонна;
• Тошкент шаҳри – 67,5 минг тонна;
• Наманган вилояти – 67 минг тонна;
• Жиззах вилояти – 66 минг тонна;
• Бухоро вилояти – 52 минг тонна;
• Сирдарё вилояти – 35 минг тонна;
• Қашқадарё вилояти – 29 минг тонна;
• Қорақалпоғистон Р. – 19 минг тонна;
• Навоий вилояти – 8,7 тонна.