Фото: Kun.uz
GFCI Халқаро молия марказлари глобал индекси Тошкентга “Уюшган халқаро молия маркази” мақомини берди. Бу ҳақда Стратегик ислоҳотлар агентлиги маълум қилди.
GFCI рейтинги халқаро молия марказларининг рақобатбардошлигини қуйидаги йўналишлар бўйича баҳолайди: молия бозори, бизнес-муҳит, инсон капитали, инфратузилма, обрў.
Рейтинг тузувчи ташкилотнинг молиявий-инвестицион ҳамжамияти – Z/Yen Group 30 минг нафар молия сектори вакилларини, дунёнинг 138 та мамлакатларидан 5 мингта халқаро корпорацияларни ўз ичига олади.
Республика пойтахтининг индексга киритилиши халқаро инвесторлар ва бизнес вакиллари томонидан инвестицион қарорларни қабул қилишда Ўзбекистонни капитал киритиш учун юрисдикция сифатида танлашга рағбатлантиради.
