Путин: Россия нархларни чекловчи мамлакатларга энергия ресурсларини етказиб бермайди

Россия ўз ҳисобидан «бировнинг фаровонлиги» учун пул тўламайди, деди президент Владимир Путин.

Фото: ТАСС

Москва Россия энергетикасига нарх чекловлари киритадиган мамлакатларга энергия ресурсларини етказиб беришдан бош тортади. Бу ҳақда Россия президенти Владимир Путин маълум қилди ва агар чегара ўрнатиладиган бўлса, етказиб беришни давом еттиришни ақлга зид деб атади.

«Россия бировнинг фаровонлиги учун ўз ҳисобидан пул тўлаб, соғлом фикрга зид ҳаракат қилмайди. Биз нархни чеклайдиган давлатларга энергия ресурсларини етказиб бермаймиз», — деди Путин Россия энергетика ҳафталиги форумида.

Сентябр ойида AҚШ молия вазири Жанет Йеллен Қўшма Штатлар Россия нефтига нарх чегарасини жорий этиш Россия бюджети даромадларини минималлаштиришнинг энг яхши йўли деб билишини айтган эди.

Aввалроқ, G7 давлатлари 5 декабрдан бошлаб Россия нефти нархининг юқори чегарасини жорий этишни режалаштираётгани ҳақида хабар берган эди.

5 октябр куни Европа Иттифоқи Россияга қарши саккизинчи санкциялар пакетини келишиб олди, у Россия нефтини учинчи мамлакатларга белгиланганидан юқори нархда ташишни тақиқлайди.

#Владимир Путин #Россия