Пахта терими мавсумида 21 нафар мансабдор шахсга маъмурий жарима тайинланди

Қайд этилишича, Давлат меҳнат инспекциясига пахта мавсумида мажбурий меҳнат ҳамда меҳнат ҳуқуқлари бузилишига оид жами 64 та мурожаат келиб тушган бўлиб, шундан, call марказ орқали - 40 та, ижтимоий тармоқлар орқали - 23 та ҳамда 1 та ёзма мурожаатлар келиб тушган.

Ўтказилган мониторинглар ва мурожаатларни ўрганиш натижасида Давлат меҳнат инспекцияси томонидан меҳнат қонунчилигини бузгани учун  21 нафар мансабдор шахсларга маъмурий жарима тайинланган.

Таъкидланишича, 4 та ҳолатда меҳнат шартномаси тузилмагани, 13 та ҳолатда меҳнат шароитлари яратилмагани, 4 та ҳолатда терим пуллари ўз вақтида тўламаслик фактлари аниқланиб, мансабдор шахслар маъмурий жавобгарликка тортилган.