Ўзбекистонга мобил телефонлар асосан Хитойдан олиб келиняпти

Ўзбекистонга 2022 йилнинг январь-сентябрь ойларида хориждан қиймати 144,5 млн AҚШ долларига тенг бўлган 2 178 575 дона мобил телефон импорт қилинган.
 
Давлат статистика қўмитаси маълумотларига кўра, Ўзбекистонга мобил телефонлар импорти ўтган йилнинг мос даврига нисбатан 255 621 тага ошган.

Ўзбекистон 9 ой мобайнида мобил телефонларни энг кўп импорт қилган давлатлар орасида Хитой етакчилик қиляпти – 1,6 млн дона.

Ушбу кўрсаткич қолган давлатлар кесимида қуйидагича кўриниш олди:

• БАА – 247,4 минг дона; 
• Вьетнам – 156,5 минг дона;
• Ҳиндистон – 153,8 минг дона;
• Қозоғистон – 25,4 минг дона;
• Корея – 2,1 минг дона.