Шавкат Мирзиёев Туркманистонга жўнаб кетди

Ўзбекистон Республикаси президенти Шавкат Мирзиёев президент Сердар Бердимуҳамедовнинг таклифига биноан 20 октябрь куни расмий ташриф билан Туркманистонга жўнаб кетди.

Фото: Президент матбуот хизмати

Бўлажак олий даражадаги музокаралар чоғида стратегик шериклик муносабатларини янада мустаҳкамлаш ва кўп қиррали ҳамкорликни кенгайтириш масалалари кўриб чиқилади.

Устувор йўналишлар бўйича ўндан зиёд ҳужжат имзоланиши режалаштирилган.

Ашхобод шаҳрида “Тошкент” боғининг очилиши, “Хоразм – Тошовуз” чегараолди савдо маркази қурилишининг бошланиши ҳам ташрифнинг муҳим воқеалари бўлади.