Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 18:26 / 23.10.2022
    25928
    4 дақиқада ўқилади

    Жанглар кетаётган Бахмут, зулматда қолган Миколайив. Уруш суратлари

    Украина ҳукумати мамлакат ғарбидаги энергетика объектларига россияликларнинг ракета ҳужумлари рўй берганини маълум қилди. Унинг кўлами 10-12 октябр кунлари қилинган ҳужум оқибатларига «тенг ёки ундан ортиқроқ». Қарийб бир ярим миллион киши электр таъминотидан узилган. 23 октябрга ўтар кечаси россиялик ҳарбийлар яна бир бор Миколайив ва Запорижжяни ўққа тутишган. «Медиазона» ва BBC рус хизматига кўра, Украинадаги уруш бошидан буён 7822 нафар россиялик ҳарбий хизматчи ўлими номма-ном тасдиқланган. Сўнгги бир ойда сафарбар қилинганлардан камида 41 нафари ҳалок бўлган.

    Қуйида 23 октябр, урушнинг 241-кунида Украинанинг турли ҳудудларида олинган суратлар.

    Бахмутдаги жанглар

    Россияликлар Бахмутни ўққа тутиши оқибатида кўтарилган тутун устуни. Октябр ойида Украина ва Россия кучлари параллел юришларини давом эттирмоқда. «Вагнер» хусусий ҳарбий компанияси отрядлари Бахмутнинг жануб ва шарқидаги ҳудудларга ёриб кирган, бу вақтда Украина қуролли кучлари ҳам Харкив ва Луҳанск областлари чегарасида илгариламоқда
    LIBKOS / AP / Scanpix / LETA
    Украинларнинг Су-25 қирувчи самолёти Бахмут атрофида ракета ҳужумидан ҳимояланмоқда
    LIBKOS / AP / Scanpix / LETA
    Бахмут яқинида ўзиюрар артиллерия қурилмасини бошқараётган украиналик ҳарбий хизматчи
    LIBKOS / AP / Scanpix / LETA
    Украиналик ҳарбий Бахмут яқинида ўзиюрар артиллерия қурилмасидан ўт очмоқда
    LIBKOS / AP / Scanpix / LETA

     Харкив областида тиббий ёрдам кўрсатилиши

    Ҳарбий врач Наталья Лелюх яқинда Украина томонидан озод этилган Синичино қишлоғига дори-дармон етказиб бермоқда. Синичино 2022 йил сентябрида Украина армиясининг қарши ҳужуми натижасида қайтариб олинган Изюм яқинида жойлашган
    Carl Court / Getty Images
    Врач Наталья Лелюх Харкив областининг Каменка қишлоғида маҳаллий аҳоли вакилларидан бирини кўрикдан ўтказиш арафасида. Каменка ҳам Изюм атрофидаги қишлоқлардан бири.
    Carl Court / Getty Images
    Синичино қишлоғида яшовчилардан бири тиббий бригада ташрифи вақтида
    Carl Court / Getty Images
    Синичинода яшовчи касалманд киши армия тиббий ходимлари бригадасидан ёрдам олмоқда
    Carl Court / Getty Images
    Ҳарбий врач Наталья Лелюх ва Жаҳон соғлиқни сақлаш ташкилоти шифокори Татьяна Тимошенко Каменки қишлоғи аҳолиси билан суҳбатда
    Carl Court / Getty Images
    Синичино қишлоғида яшовчи аёл армия тиббий ходимларига миннатдорчилик билдирмоқда.
    Carl Court / Getty Images

    Миколайивда отишмалардан кейинги ҳаёт 

    Миколайивда яшовчи Татьяна Гончарова Россия томонидан шу кунларда шаҳарга берилган авиазарба оқибатида шикастланган квартираси олдида. Миколайив ўққа тутилиши давом этмоқда
    Valentyn Ogirenko / Reuters / Scanpix / LETA
    Миколайвлик киши ойналари тўкилиб кетган балконда мих қоқмоқда. Регион тинимсиз зарбаларга дучор бўлмоқда — 23 октябрга ўтар кечаси Миколайив областига Shahed-136 типидаги камикадзе дронлар ҳужум қилган.
    Valentyn Ogirenko / Reuters / Scanpix / LETA
    Миколайивлик аёллар ичимлик суви олиб қайтмоқда. Шаҳарни сув билан таъминловчи магистрал қувур уруш бошидаёқ шикастланган.
    Valentyn Ogirenko / Reuters / Scanpix / LETA
    Болалар боғчаси ходими ўчоқда овқат қилмоқда. Россия томонидан тинимсиз зарбалар туфайли шаҳар электр таъминотидан узилган
    Valentyn Ogirenko / Reuters / Scanpix / LETA
    Шаҳар ракета зарбалари туфайли электрсиз қолган  шароитда World Central Kitchen жамоат ташкилоти кўнгиллилари Миколайивдаги шифохоналар беморлари ва маҳаллий аҳоли учун таом тайёрламоқда.
    Valentyn Ogirenko / Reuters / Scanpix / LETA
    Миколайивлик киши электр энергияси ўчган маҳалда қоронғи кафеда лимонад ичмоқда
    Valentyn Ogirenko / Reuters / Scanpix / LETA
    Туғурқхона ходими россияликлар зарбалари туфайли ток ўчган маҳалда беморларга егулик тарқатмоқда
    Valentyn Ogirenko / Reuters / Scanpix / LETA
    Азиз Қаршиев
    Муаллиф Азиз Қаршиев
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.
    Kun.uz янгиликларини Google News'да кузатинг
    + Обуна бўлиш

    Мавзуга оид

    23:00 / 27.03.2026

    Россиялик депутатлар кўп йиллар давомида биринчи марта АҚШ Конгрессига борди

    18:40 / 27.03.2026

    ОАВ: Путин олигархларга урушни молиялаштиришни таклиф қилди

    14:47 / 27.03.2026

    Зеленский: «Саудия Арабистонида Украинани қизиқтирадиган нарса бор»

    09:33 / 27.03.2026

    Пентагон Украина учун мўлжалланган қуролларни Яқин Шарққа йўналтириши мумкин