Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 14:59 / 26.10.2022
    14986
    4 дақиқада ўқилади

    Оғир қишга тайёрланаётган Миколайив ва фронт чизиғидаги Бахмут. Уруш суратлари

    Украина Херсон областида Украина қуролли кучлари зарбаси оқибатида ўнлаб қодировчилар ҳалок бўлгани ҳақида хабар берди. Россия томонидан аннексия қилинган Мелитополда телекомпания биноси олдида портлаш содир бўлди, маҳаллий расмийлар буни теракт деб атади. Олти киши жабрланган. Украина ҳукумати украин қочқинларини иссиқлик таъминотидаги муаммолар туфайли баҳоргача ватанга қайтмасликка чақирди. BBC News ўтказган суриштирувга кўра, Россия апрел ойида Миколайивга ичимлик суви келадиган ягона қувурни қасддан портлатганини аниқлади. Шаҳар олти ойдан буён тоза ичимлик сувисиз яшамоқда. Украина қуролли кучлари тасдиқлашича, россиялик ҳарбийлар Беларус ҳудудидан Shahed русумли ўнта камикадзе дронларни учирган.

    Қуйида 25 октябр, урушнинг 244-кунида Украинанинг турли ҳудудларида олинган суратлар.

    Фронт чизиғидаги Бахмут

    Бахмут устида тутун. Украина қуролли кучларига кўра, бу шаҳар — амалда россиялик ҳарбийлар ҳужум қилишга уринаётган ва олдинга силжиётган ягона шаҳардир. Бу йўналишда «Вагнер» хусусий ҳарбий компанияси кучлари жамланган. Украина қўшинлари учун Бахмут Донецк томон ҳаракатланиш учун муҳим, россияликлар эса — Дружковка, Константиновка, Краматорск ва Словянскка ҳужум қилиш учун шу шаҳарни эгаллаши талаб этилади.
    Dimitar Dilkoff / AFP / Scanpix / LETA
    Ўтин тайёрлаш учун дарахт шохларини арралаётган бахмутлик
    Dimitar Dilkoff / AFP / Scanpix / LETA
    Бахмутликлар эвакуация автобусида. Мунтазам зарбалар туфайли шаҳарни аҳолининг ярмидан ошиғи тарк этган. 24 октябр куни навбатдаги зарбалар оқибатида етти киши ҳалок бўлди
    Dimitar Dilkoff / AFP / Scanpix / LETA
    Бахмут устида дрон ракета орқали уриб туширилиши
    Dimitar Dilkoff / AFP / Scanpix / LETA

    Харкив областидаги украин сапёрлари

    Руска Лозовада мина излаётган сапёр. Украин қўшинлари қишлоқни апрел ойи охирларида озод этишган. Бу РФ армияси учун стратегик муҳим аҳамиятга эга жой эди: Руска Лозовадан туриб россияликлар Харкив шаҳрини ўққа тутишган
    Clodagh Kilcoyne / Reuters / Scanpix / LETA
    Россия истилоси остида етти ой бўлиб, сентябр ойида озод этилган Козача Лопан посёлкасидаги омборхонада қишлоқ техникаларини кўздан кечираётган сапёр. Посёлка Россия чегараларидан икки километр масофада жойлашган.
    Clodagh Kilcoyne / Reuters / Scanpix / LETA

    Миколайив областидаги кундалик ҳаёт 

    Миколайивда аҳолига нон тарқатилаётган мактабдаги навбат. Шаҳарда озиқ-овқат ва ичимлик суви муаммоси оғирлигича қолмоқда. BBC суриштирувига кўра, апрел ойида Россия қўшини Миколайивга сув борадиган қувурни қасддан портлатган. Шундан буён шаҳар аҳолиси тоза ичимлик сувидан бебаҳра қолган
    Emilio Morenatti / AP / Scanpix / LETA
    Кўнгиллилар Миколайив областининг фронт чизиғи яқинидаги қишлоқлари аҳолиси учун ўтин ёқиладиган печкалар тайёрлашмоқда
    Valentyn Ogirenko / Reuters / Scanpix / LETA
    Миколайив областидаги қишлоқлар аҳолиси учун мўлжалланган печкалар
    Valentyn Ogirenko / Reuters / Scanpix / LETA
    Кўнгиллилар Миколайив области аҳолисига ўтин печкалари тарқатишмоқда
    Valentyn Ogirenko / Reuters / Scanpix / LETA
    Фермадан қочиб кетган сигирлар Миколайив областидаги фронт чизиғи яқинида
    Valentyn Ogirenko / Reuters / Scanpix / LETA

    Босиб олинган Мелитополда портлаш

    25 октябр куни Мелитополда Россия таъсиридаги маъмурият томонидан асос солинган «ЗаТВ» телекомпанияси биноси олдида автомобил портлатилди. Олти киши жабрланган, улар орасида «ЗаМедиа» медиаҳолдинги ходимлари бор. Маҳаллий расмийлар ҳодисани теракт деб атаган.
    AFP / Scanpix / LETA
    «ЗаТВ» телекомпанияси биноси портлашдан кейин
    Фото: ТАСС
    Муаллиф:  Азиз Қаршиев
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    19:15 / 12.01.2026

    Буюк Британия Украина учун янги баллистик ракета ишлаб чиқади

    18:18 / 12.01.2026

    Россия-Украина уруши давомийлиги бўйича СССР-Германия урушига тенглашди

    16:04 / 12.01.2026

    Лондон Киев учун Nightfall баллистик ракетасини ишлаб чиқади

    14:20 / 12.01.2026

    Украина “Лукойл”нинг бурғилаш қурилмалари йўқ қилинганини маълум қилди