Ўзбекистонда ўзлаштирилаётган хорижий инвестиция ҳажмида улуши энг юқори давлат маълум қилинди

2022 йилнинг январь-сентябрь ойларида Ўзбекистонда асосий капиталга ўзлаштирилган инвестициялар ҳажми 190 трлн сўмни ташкил этган.

Давлат статистика қўмитаси маълумотларига кўра, шундан асосий капиталга ўзлаштирилган жами хорижий инвестиция ва кредитлар 72 трлн cўм миқдорида қайд этилди.

Ўзлаштирилган жами хорижий инвестиция ва кредитлар ҳажмида энг юқори улушга эга бўлган инвестор давлатлар орасида Россия биринчи ўринда қайд этилди – 21 фоиз.

Ушбу кўрсаткич қолган давлатлар кесимида қуйидагича кўринишга эга:

• Хитой – 19,9 фоиз;
• Туркия – 10,4 фоиз;
• Германия – 6,5 фоиз;
• Саудия Арабистони – 4,6 фоиз;
• Италия – 3 фоиз;
• Кипр – 2,7 фоиз;
• Швейцария – 2,6 фоиз;
• Буюк Британия – 2,1 фоиз;
• АҚШ – 1,8 фоиз.